ଚଢ଼ିଲା ବୁଲଡୋଜର ଭାଙ୍ଗିଲା ଘର । ଗୋଟିଏ କି ଦୁଇଟି ନୁହେଁ ଏକାଧିକ ଘରକୁ ବୁଲଡୋଜର ଭାଙ୍ଗିଛି । ଜବରଦଖଲ ଘରକୁ ଭାଙ୍ଗିବା ପାଇଁ ପ୍ରଶାସନ ନେଲା କଡ଼ା ପଦକ୍ଷେପ । ୭୦ ବର୍ଷିୟ ପୁରୁଣା ଘରକୁ ଭଙ୍ଗାଯାଇଛି । ଏମିତି ଘଟଣା ଦେଖିବାକୁ ମିଳିଛି ଯାଜପୁର ଜିଲ୍ଲାରେ । ଅଭିଯୋଗ ଅନୁସାରେ, ଯାଜପୁର ସଦର ବ୍ଲକ ସାନସୁଆର ଗାଁର କିଛି ମୁଷ୍ଠମେୟ ଲୋକ ଗାଁ ରାସ୍ତାକୁ ଅବରୋଧ କରି ସେଥିରେ ଘର ତିଆରି କରିଥିଲେ । ଏନେଇ ପ୍ରଫୁଲ୍ଲ କୁମାର ନାୟକ, ରତିକାନ୍ତ ନାୟକ, ତାରାକାନ୍ତ ଜେନା, ସଚିକାନ୍ତ ନାୟକ କୋର୍ଟଙ୍କ ଦ୍ବାରସ୍ଥ ହୋଇଥିଲେ । ୨୦୨୩ ମସିହା ଜୁଲାଇ ୨୩ ତାରିଖରେ ମାନ୍ୟବର ହାଇକୋର୍ଟ ସାନସୁଆର ମୌଜା ପ୍ଲଟ ନମ୍ବର ୩୯୦, ଖାତା ନମ୍ବର ୩୫୪ର ମାପଚୁପ ନିର୍ଦ୍ଦେଶ ଦେବା ସହ ଜବରଦଖଲକାରୀଙ୍କୁ ଉଚ୍ଛେଦ କରିବାକୁ ନିର୍ଦ୍ଦେଶ ଦେଇଥିଲେ । କୋର୍ଟଙ୍କ ନିର୍ଦ୍ଦେଶ ଅନୁସାରେ ଜବରଦଖଲକାରୀଙ୍କୁ ନୋଟିସ ଦିଆଯାଇଥିଲା…
