ବଲାଙ୍ଗିର ପଥରଚେପା ପଡ଼ିଆରେ ରାଜ୍ୟସ୍ତରୀୟ ପ୍ରଧାନମନ୍ତ୍ରୀ ଆବାସ (ଗ୍ରାମୀଣ) ବଣ୍ଟନ କାର୍ଯ୍ୟକ୍ରମ ଆରମ୍ଭ ହୋଇଯାଇଛି।। ଏହି ଅବସରରେ ରାଜ୍ୟର ଯୋଗ୍ୟ ହିତାଧିକାରୀଙ୍କୁ ଆବାସ ଯୋଜନାର ସୁଫଳ ପ୍ରଦାନ କରିବା ଉପରେ ଗୁରୁତ୍ୱ ଦିଆଯାଇଛି।ଗ୍ରାମାଞ୍ଚଳରେ ବାସଗୃହ ସମସ୍ୟାର ସମାଧାନ ଏବଂ ଗରିବ ଓ ଅସହାୟ ପରିବାରଙ୍କୁ ପକ୍କା ଘର ଯୋଗାଇଦେବା ଏହି ଯୋଜନାର ମୁଖ୍ୟ ଲକ୍ଷ୍ୟ। ଦୀର୍ଘଦିନ ଧରି ନିଜସ୍ୱ ପକ୍କା ଘର ଅପେକ୍ଷାରେ ଥିବା ଯୋଗ୍ୟ ପରିବାରଙ୍କ ପାଇଁ ଏହି ପଦକ୍ଷେପ ଆଶା ସଞ୍ଚାର କରିଛି।ଏହି ରାଜ୍ୟସ୍ତରୀୟ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଓ କେନ୍ଦ୍ର ଗ୍ରାମ୍ୟ ଉନ୍ନୟନ ମନ୍ତ୍ରୀ ଶିବରାଜ ସିଂହ ଚୌହ୍ବାନ ଉପସ୍ଥିତ ରହି ଆବାସ ବଣ୍ଟନର ଶୁଭାରମ୍ଭ କରିଛନ୍ତି। ଏଥିସହ ଉପମୁଖ୍ୟମନ୍ତ୍ରୀ କେ.ଭି. ସିଂଦେଓ, ମନ୍ତ୍ରୀ ରବି ନାଏକ ଓ ମୁକେଶ ମହାଲିଙ୍ଗ ମଧ୍ୟ କାର୍ଯ୍ୟକ୍ରମରେ ଯୋଗଦେଇଛନ୍ତି।ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କୁ କେନ୍ଦ୍ର ମନ୍ତ୍ରୀ ଶିବରାଜ ସିଂହ ଚୌହ୍ୱାନ ପ୍ରଶଂସା କରିଛନ୍ତି। ସେ କହିଛନ୍ତି, ଓଡ଼ିଶାରେ ଲକ୍ଷପତି ଦିଦି ସୃଷ୍ଟି କରିବାରେ ମୁଖ୍ୟମନ୍ତ୍ରୀ ସଫଳ ହୋଇଛନ୍ତି। ଓଡ଼ିଶାରେ ୨୯ ଲକ୍ଷ ଲକ୍ଷପତି ଦିଦି ସୃଷ୍ଟି ହୋଇଥିବା ରିପୋର୍ଟ ମିଳିଛି। ପିଏମ ସୂର୍ଯ୍ୟଘର ଯୋଜନା ପହଞ୍ଚାଇବାରେ ବଡ ସଫଳତା ଓଡିଶାକୁ ମିଳିଛି। ମୁଁ ବଲାଙ୍ଗୀର ଆସିବା ବାଟରେ ଏହା ଭଲ ଭାବେ ଦେଖି ପାରିଛି। VB-G-RAM ଯୋଜନାରେ ବିକଶିତ ଭାରତ ସ୍ୱପ୍ନ ପୂରଣ ହେବାକୁ ଯାଉଛି। ଆଗକୁ ଓଡିଶାରେ ପଞ୍ଚାୟତ ନିର୍ବାଚନ ହେବାକୁ ଯାଉଛି, ନିଶ୍ଚିତ ପ୍ରଭାବ ରହିବ। ଜିଲା, ବ୍ଲକ୍ ଓ ପଞ୍ଚାୟତସ୍ତରରେ ସ୍ୱତନ୍ତ୍ର ଉତ୍ସବ ହେବା
