ପାରାଦୀପ ପୋର୍ଟ DTMଙ୍କ ଘରେ CBI ରେଡ୍। ଡେପୁଟୀ ଟ୍ରାଫିକ ମ୍ୟାନେଜର ଶ୍ରୀମନ ମିଶ୍ରଙ୍କ ଘରେ ଚଢାଉ କରିଛି ସିବିଆଇ। ଆଜି ସିବିଆଇ ପକ୍ଷରୁ ଏକକାଳୀନ ୪ଟି ପ୍ରମୁଖ ସ୍ଥାନରେ ଏହି ଯାଞ୍ଚ ପ୍ରକ୍ରିୟା ଆରମ୍ଭ ହୋଇଛି। ଶ୍ରୀମନ ନାରାୟଣ ମିଶ୍ରଙ୍କ ବିରୋଧରେ ଆୟଠାରୁ ଅଧିକ ସମ୍ପତ୍ତି ଠୁଳ କରିଥିବା ନେଇ ଅଭିଯୋଗ ହୋଇଥିଲା। ଏହି ମାମଲାରେ ପୂର୍ବରୁ ଇଡି (ED) ଏବଂ ଲୋକାୟୁକ୍ତଙ୍କ ନିକଟରେ ମଧ୍ୟ ଅଭିଯୋଗ ଦାଖଲ କରାଯାଇଥିଲା।ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ପାରାଦୀପ ସମେତ ଏରସମା, କୁଜଙ୍ଗ ଓ ଭୁବନେଶ୍ବରରେ ଚଢ଼ାଉ ଜାରି ରହିଛି। ପାରାଦୀପ କ୍ୱାର୍ଟର୍ସ, ଉଦୟବଟ ଘର, କୁଜଙ୍ଗର ନିହାରୁଣୀ, ଏରସମାର ବାମଦେଇପୁର ଓ ଭୁବନେଶ୍ୱର ରଘୁନାଥପୁର ଘରେ ସିବିଆଇ ଯାଞ୍ଚ କରୁଛି। ସେ ଅନେକ ଦାମୀ ସମ୍ପତ୍ତି କିଣିଥିବା ସନ୍ଧାନ ପାଇଛି ସିବିଆଇ।୮ଟି ସ୍ଥାନରେ ପ୍ରାୟ ୮ କୋଟିରୁ ଉର୍ଦ୍ଧ୍ବ ଟଙ୍କାର ସଂପତ୍ତି ଠାବ ହୋଇଛି।
