ପୁଣି ଥରେ ଟିଭି ପରଦାରେ ଦେଖିବାକୁ ମିଳିବ ବିଗ୍ ବିଙ୍କ ଦମଦାର ଅନ୍ଦାଜ। ସ୍ୱାସ୍ଥ୍ୟଗତ କାରଣରୁ କିଛି ଦିନର ବିରତି ପରେ ‘କୌନ୍ ବନେଗା କରୋଡ଼ପତି’ (KBC) ସିଜିନ୍ ୧୮ର ସେଟ୍କୁ ଫେରିଛନ୍ତି ବଲିଉଡ୍ ମେଗାଷ୍ଟାର ଅମିତାଭ ବଚ୍ଚନ। ତାଙ୍କର କମ୍ବ୍ୟାକ୍କୁ ନେଇ ଫ୍ୟାନ୍ସଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି । ଶୋ’ର ନୂଆ ପ୍ରୋମୋରେ ଅମିତାଭଙ୍କ ପୁରୁଣା ଅନ୍ଦାଜ ଦେଖିବାକୁ ମିଳିଛି । ଏପରିକି ଜଣେ ପ୍ରତିଯୋଗୀଙ୍କ ପ୍ରଶ୍ନରେ ସେ ଦେଇଥିବା ମଜାଦାର ଉତ୍ତର ଏବେ ଚର୍ଚ୍ଚାରେ ।KBC 18ର ନୂଆ ପ୍ରୋମୋରେ ଅମିତାଭଙ୍କ ଜବରଦସ୍ତ ଏନର୍ଜି ଦେଖିବାକୁ ମିଳିଛି । ସେ ଦୌଡ଼ି ଦୌଡ଼ି ନିଜ ହୋଷ୍ଟିଂ ସ୍ଥାନକୁ ଆସୁଛନ୍ତି । ଏହି ସମୟରେ ଜଣେ ପ୍ରତିଯୋଗୀ ତାଙ୍କୁ ପଚାରୁଛନ୍ତି, ‘ସାର୍, ଆପଣଙ୍କ ଦେହ ଭଲ ନଥିଲା । ଏବେ କେମିତି ଅଛନ୍ତି?’ଏହାର ଉତ୍ତରରେ ଅମିତାଭ ପ୍ରଥମେ ଓଲଟା ପ୍ରତିଯୋଗୀଙ୍କୁ ପଚାରିଛନ୍ତି, ‘ଆପଣ କେମିତି ଅଛନ୍ତି?’ |ଗତ କିଛି ଦିନ ଧରି ଅମିତାଭଙ୍କ ସ୍ୱାସ୍ଥ୍ୟକୁ ନେଇ ପ୍ରଶଂସକଙ୍କ ମଧ୍ୟରେ ଚିନ୍ତା ବଢ଼ିଥିଲା। ଡାକ୍ତରଙ୍କ ପରାମର୍ଶରେ ସେ କିଛି ଦିନ ବିଶ୍ରାମ ନେବା ସହ ସୋସିଆଲ ମିଡିଆରେ ନିୟମିତ ପୋଷ୍ଟ କରିବାରୁ ମଧ୍ୟ ବିରତି ନେଇଥିଲେ। ଏବେ ପୁଣି ଥରେ କାମକୁ ଫେରିବା ପରେ ତାଙ୍କ ପ୍ରଶଂସକଙ୍କ ମଧ୍ୟରେ ଖୁସିର ଲହରି ଖେଳିଯାଇଛି।
