ଗରିବ ରାଜ୍ୟ ଓଡ଼ିଶା, ହେଲେ ମହଙ୍ଗା ବଜାରରେ ଦେଶର ପଞ୍ଚମ ସ୍ଥାନରେ ! ଦରଦାମ୍ ବୃଦ୍ଧି ଏବେ ସାଧାରଣ ଲୋକଙ୍କ ପକେଟ୍ ଉପରେ ପକାଇଛି ଅସହ୍ୟ ବୋଝ ।ଜାତୀୟ ହାରକୁ ଟପି ଓଡିଶାରେ ଖୁଚୁରା ମୁଦ୍ରାସ୍ଫୀତି ହାର ୭ ପ୍ରତିଶତ ରୋକର୍ଡ ହୋଇଛି। ଗତ ଅକ୍ଟୋବର ମାସରେ ଏହା ୭.୧୭ ପ୍ରତିଶତରେ ପହଞ୍ଚିଛି। ସେହିପରି ୧ ନମ୍ବରରେ ରହିଛି ତାମିଲନାଡୁ।ଦରଦାମ୍ ବୃଦ୍ଧି ଏବେ ସାଧାରଣ ଲୋକଙ୍କ ପକେଟ୍ ଉପରେ ପକାଇଛି ଅସହ୍ୟ ବୋଝ । ପିଆଜଠାରୁ ଚାଉଳ, ଚିନିଠାରୁ ଖାଇବା ତେଲ, କ୍ଷୀରଠାରୁ ପନିପରିବା ସବୁକିଛିର ଦାମ୍ ବଢ଼ିବା ପରେ ହାତ ଟେକିଲେଣି ଖାଉଟି। ଏହି ତାଲିକାରେ ଓଡ଼ିଶା ଉପରେ ରହିଛନ୍ତି ମଧ୍ୟପ୍ରଦେଶ, ଆନ୍ଧ୍ରପ୍ରଦେଶ, ତେଲେଙ୍ଗାନା ଓ ତାମିଲନାଡ଼ୁ । ତେବେ ସବୁଠାରୁ ବଡ଼ ଚିନ୍ତାର ବିଷୟ ହେଉଛି, ସହର ଅପେକ୍ଷା ଗାଁରେ ଦରଦାମ୍ ବୃଦ୍ଧିର ଚାପ ଅଧିକ ରହିଛି ।ସେପ୍ଟେମ୍ବର ମାସରେ ରାଜ୍ୟର ମୁଦ୍ରାସ୍ଫୀତି ହାର ୬.୭୦ ପ୍ରତିଶତ ଥିବାବେଳେ ଅକ୍ଟୋବରରେ ଏହା ବୃଦ୍ଧି ପାଇ ୭.୧୭ ପ୍ରତିଶତରେ ପହଞ୍ଚିଛି । ଅର୍ଥାତ୍ ମାସକୁ ମାସ ମହଙ୍ଗା ମାଡ଼ ଆହୁରି ତୀବ୍ର ହେଉଛି। କେବଳ ଓଡ଼ିଶା ନୁହେଁ, ସାରା ଦେଶରେ ମଧ୍ୟ ଦରଦାମ୍ ସ୍ଥିତି ଚିନ୍ତାଜନକ ।ଜାତୀୟ ସ୍ତରରେ ଖୁଚୁରା ମୁଦ୍ରାସ୍ଫୀତି ୬.୦୯ ପ୍ରତିଶତକୁ ବୃଦ୍ଧି ପାଇଛି । ଯାହା ଗତ ୧୨ ମାସ ମଧ୍ୟରେ ସର୍ବାଧିକ। ସେହିପରି ଖାଦ୍ୟ ମୁଦ୍ରାସ୍ଫୀତି ହାର ମଧ୍ୟ ୮.୯୪ ପ୍ରତିଶତକୁ ବଢ଼ିଛି ।
