ମଙ୍ଗଳବାର ଇସ୍ରାଏଲୀ ସେନା ଏହାର ନାଗରିକମାନଙ୍କୁ ସତର୍କ କରାଇ ଦେଇଛି ଯେ ଇରାନରୁ କ୍ଷେପଣାସ୍ତ୍ର ମାଡ଼ କରାଯାଇଛି (Israel Iran War)। ଏହା ସହିତ, ଜେରୁଜେଲମ ଏବଂ ତେଲ ଅଭିଭରେ ମଧ୍ୟ ବିସ୍ଫୋରଣର ଶବ୍ଦ ଶୁଣାଯାଇଛି। ଏହି ଆକ୍ରମଣ ଏପରି ସମୟରେ ହୋଇଛି ଯେତେବେଳେ ଇସ୍ରାଏଲ ଏବଂ ଇରାନ ମଧ୍ୟରେ ଯୁଦ୍ଧ ବନ୍ଦ କରିବା ପାଇଁ ଆଲୋଚନାର ବାତାବରଣ ସୃଷ୍ଟି ହେଉଥିଲା।ଇରାନ କାତାରର ଅଲ ଉଦେଇଡ ଏୟାର ବେସ୍ ରେ ମିସାଇଲ ଆକ୍ରମଣ କରିବା ପରେ ଟ୍ରମ୍ପଙ୍କ ଯୁଦ୍ଧବିରତି ଘୋଷଣା କରିଥିଲେ । ଯାହା ଆମେରିକା ଇରାନର ପରମାଣୁ କେନ୍ଦ୍ର ଆକ୍ରମଣର ପ୍ରତିକ୍ରିୟା ଥିଲା । କିନ୍ତୁ ଏହି ସଦ୍ୟତମ ଆକ୍ରମଣ ଦୁଇ ଦେଶ ମଧ୍ୟରେ ଉତ୍ତେଜନାକୁ ଆହୁରି ବୃଦ୍ଧି କରିଛି।ଇସ୍ରାଏଲ ପ୍ରତିରକ୍ଷା ବାହିନୀ କହିଛି ଯେ ଇରାନରୁ କ୍ଷେପଣାସ୍ତ୍ର ମାଡ଼ ହେବା ଯୋଗୁ ସାରା ଦେଶରେ ସାଇରନ ବାଜିବା ଆରମ୍ଭ ହୋଇଛି। ଏହି ଆକ୍ରମଣ ଇରାନ ସମୟ ସକାଳ ୪ଟା ପରେ ହୋଇଥିଲା। ପୂର୍ବରୁ, ଇରାନର ବୈଦେଶିକ ମନ୍ତ୍ରୀ ଆବାସ ଆରାଘଚି କହିଥିଲେ ଯେ ଯଦି ଇସ୍ରାଏଲ ତାର ବିମାନ ଆକ୍ରମଣ ବନ୍ଦ କରେ, ତେବେ ଇରାନ ମଧ୍ୟ ଯୁଦ୍ଧ ବନ୍ଦ କରିବ।ଇସ୍ରାଏଲୀ ସେନା ତାର ନାଗରିକମାନଙ୍କୁ ନିରାପଦ ସ୍ଥାନକୁ ଯିବାକୁ ନିର୍ଦ୍ଦେଶ ଦେଇଥିଲା। ସଦ୍ୟତମ ଆକ୍ରମଣ ଯୁଦ୍ଧବିରତି ସମ୍ପର୍କରେ ଚାଲିଥିବା ଆଲୋଚନା ଉପରେ ପ୍ରଶ୍ନବାଚୀ ଲଗାଇଛି। ଇସ୍ରାଏଲୀ ସେନା କହିଛି ଯେ ସେମାନେ ଯେକୌଣସି ପ୍ରକାରର ଆକ୍ରମଣର ଜବାବ ଦେବାକୁ ପ୍ରସ୍ତୁତ।
