ବାତ୍ୟା ଅକଓ୍ୱାନ ନେଇ ବଢିଲା ଚିନ୍ତା । ଶୁକ୍ରବାର ମଧ୍ୟାହ୍ନ ବେଳକୁ ଗୋପାଳପୁର ନିକଟରେ ସ୍ଥଳଭାଗ ସ୍ପର୍ଶ କରିପାରେ ବାତ୍ୟା । ଏହି ସମୟରେ ପବନର ବେଗ ଘଣ୍ଟାପ୍ରତି ୮୦ରୁ ୯୦ କିଲୋମିଟର ରହିବା ସହ ଝଟକା ପବନର ବେଗ ୧୧୦ କିଲୋମିଟର ଛୁଇଁପାରେ । ଆଜି ମଧ୍ୟରାତ୍ରିରୁ ଦକ୍ଷିଣ ଓଡ଼ିଶା ଓ ଉପକୂଳ ଓଡ଼ିଶାରେ ବଢ଼ିବ ବର୍ଷା ଓ ପବନର ପ୍ରକୋପ ବୋଲି ସୂଚନା ଦେଇଛନ୍ତି IMD ଡିଜି ମୃତ୍ୟୁଞ୍ଜୟ ମହାପାତ୍ର ।ଗଞ୍ଜମ, ଗଜପତି, ପୁରୀ ଓ ଖୋର୍ଦ୍ଧା ଜିଲ୍ଲାରେ ୱିଣ୍ଡ ସ୍ପିଡ୍ ୯୦ କିଲୋମିଟର ପ୍ରତି ଘଣ୍ଟା ରହିପାରେ । ସେହିପରି କେନ୍ଦ୍ରାପଡ଼ା ଓ ଜଗତସିଂହପୁର ଜିଲ୍ଲାରେ ୭୦ କିଲୋମିଟର ବେଗରେ ପବନ ବହିବା ଅନୁମାନ କରାଯାଉଛି ।ବିଶେଷକରି ଦକ୍ଷିଣ ଓଡ଼ିଶା ଏବଂ ଉପକୂଳ ଓଡ଼ିଶାରେ ବର୍ଷାର ପରିମାଣ ବଢ଼ିବା ସହ ପବନର ବେଗ ମଧ୍ୟ ବଢ଼ିବାର ଆକଳନ ରହିଛି । ରାତି ବଢ଼ିବା ସହ ପାଣିପାଗରେ ପରିବର୍ତ୍ତନ ଆହୁରି ସ୍ପଷ୍ଟ ହୋଇପାରେ । ତେଣୁ ବାତ୍ୟାର ପ୍ରଭାବ ଆରମ୍ଭ ହେବା ପୂର୍ବରୁ ସତର୍କ ରହିବା ଜରୁରୀ ।






