ଦିଲ୍ଲୀ ଦଖଲ ପାଇଁ ପ୍ରଚାର ଘମାସାନ। ଆଜି ସଂଧ୍ୟାରେ ସରିବ ପ୍ରଚାର ଯୁଦ୍ଧ । ଶେଷ ଦିନରେ ସବୁ ଦଳ ଭୋଟରଙ୍କୁ ଆପଣାଇବାକୁ ଜୋରଦାର କସରତ ଜାରି ରଖିଛନ୍ତି । ପ୍ରତିଶ୍ରୁତି, ସମାଲୋଚନା, ଆରୋପ- ପ୍ରତ୍ୟାରୋପର ପର୍ବ ଦିଲ୍ଲୀ ନିର୍ବାଚନକୁ ସରଗରମ କରିବାରେ ଲାଗିଛି । ବିଜେପି ପାଇଁ ପ୍ରଚାର ମଙ୍ଗ ଧରିଛନ୍ତି ପିଏମ ମୋଦି ।ଆସନ୍ତା ୫ ତାରିଖରେ ହେବ ଭୋଟଗ୍ରହଣ। ଫେବୃଆରୀ ୮ରେ ହେବ ଭୋଟ ଗଣତି।ଆମ ଆଦମୀ ପାର୍ଟି ନେତା ଅରବିନ୍ଦ କେଜରିୱାଲଙ୍କ ପକ୍ଷରୁ ଜୋରସୋରରେ ପ୍ରଚାର କରାଯାଉଛି। ବିଭିନ୍ନ ପ୍ରସଙ୍ଗ ନେଇ କେନ୍ଦ୍ରକୁ ଟାର୍ଗେଟ କରିଛନ୍ତି ଆମ ଆଦମୀ ପାର୍ଟି ମୁଖ୍ୟ ଅରବିନ୍ଦ କେଜରିୱାଲ। ସେହିପରି ବିଜେପି ଓ କଂଗ୍ରେସ ପକ୍ଷରୁ ମଧ୍ୟ ଜୋରଦାର ପ୍ରଚାର ଚାଲିଛି। ବିଜେପି ପକ୍ଷରୁ ପ୍ରଚାରରେ ସାମିଲ ହୋଇଛନ୍ତି ଏକାଧିକ କେନ୍ଦ୍ରମନ୍ତ୍ରୀ। ଏପଟେ କଂଗ୍ରେସ ପକ୍ଷରୁ ସନ୍ଦୀପ ଦିକ୍ଷୀତ ଜୋରସୋର ପ୍ରଚାର କରୁଛନ୍ତି ।
